Kegeyli rayonı 1-sanlı texnikumında oqıw-seminar shólkemlestirildi
Búgin Kegeyli rayonındaǵı 1-sanlı texnikumda "Kásiplik sheberlik milliy tańlawı" sheńberinde ekspertlerdi tayarlawǵa qaratılǵan oqıw-seminar bolıp ótti.
Bul seminarda Kegeyli, Bozataw, Shımbay, Qaraózek hám Taxtakópir rayonları texnikumlarınan kelgen qánigeler qatnastı.
Oqıw-seminar dawamında:
- tańlaw nızamı hám ekspert etikası,
- kásiplik tańlaw hújjetleri,
- bahalaw tártibi hám ólshemleri,
- bahalaw procesinde ushırasatuǵın qáteler hám olardıń aldın alıw máseleleri boyınsha hár tárepleme maǵlıwmatlar berildi.
Seminar juwmaǵında qánigelerdiń tańlaw processlerin ashıq-aydın hám qalıs ótkeriw boyınsha bilim hám kónlikpeleri bekkemlendi.
Bunday ilajlar kásiplik bilimlendiriw sistemasında sapanı arttırıw, ekspertler potencialın joqarılatıw hám "Kásiplik sheberlik milliy tańlawı"n joqarı dárejede shólkemlestiriwge xızmet etedi.